我件事係咁嘅幫我做開個治療師無啦啦唔做，之後轉另一個治療師比我。我開始發覺新果個做嘅時間越嚟越少，用嘅料都越嚟越少。之後又轉咗另一個治師，咁轉法都唔係辦法跟住就開始咗我嘅投訴之旅喇。
(9月份)其實一直都係reenex經理carmen follow緊，但係carmen突然間放假(這消息係個Joey siu話比我知!)。之後我個案就變呢個Joey siu跟進!
呢個所謂經理Joey siu,根本完全沒有承意去幫客人解決問題態度出現過。每一次我打上去reenex朗豪坊搵佢，每一次都搵唔到人。直至我喺佢公司網站留言話搵唔到Joey siu呢個人,10月12-13號佢先肯覆我一個電話。同joey siu交代過我之前同carmen溝通過情況(其實我已經覺得好煩，點解咁大間公司。一個經理同個客人溝通都沒有記錄joey siu覆客之前又無了解清楚過件事，同一件事要個客人分別要同唔同經理講一次。個carmen無端端放假(其實我問過另一個人，carmen呢個經理已經無做reenex,我唔知joey siu點解要講大話，話carmen只係放大假?)又無人通知個客人一聲，(reenex嘅人做事完全沒有系統,喺呢個Joey siu身上完完全全可以得知啦！)呢個Joey siu答應個10月16號星期二會作進一步回覆，之後就梗係無左影啦。我已經一直沉住氣咁等Joey姐有一日得閒或記起嘅時候可以覆我一個電話啦，直至我等到10月19我真係忍無可忍喇。中午12點幾我再打上去reenex朗豪坊48搵亞joey姐，服務台接電話joey姐行開左十五分鐘到可以回覆。結果我等到同日四點幾，joey姐都係一直無回覆！之後我再上貴公司網站留言，再打上投訴熱線搵到Tammy cheng,Tammy 承諾佢會用盡所有辦法一定要joey姐今日之內回我一個電話。結果我再要等到10月19號晚上8點幾，joey姐先回覆我一個電話。（請問一下這是貴公司待客之道？還是Joey siu的個人待客之道呢？）joey姐一打嚟對於她連日來失蹤行為完全徹徹底底咁忘記左！仲大話連編咁同我講，10月13星期二至10月19星期五8點前尼段時間佢係有打過比我喎。我問joey姐既然你自己話聯絡過我，咁點解唔留言比我？我係有留言信箱這服務架喎。而joey姐就好似借左聾耳陳隻耳咁完全聽唔到咁。只係同我講佢自己有記錄低幾時打過比我，真係得佢一個先知。之後我問佢咁個記錄係joey姐咩時候寫上去有邊個可以証明到？而我所經歷嘅反而係，我每一次從來都無直接找到了joey姐你本人囉。佢對於我嘅問題佢又好似失去左聽覺咁。sorry都無講一句啦！
最嚴重的是joey同我講沒法証明carmen和我之間嘅口頭承諾!咁大間公司同客講完啲嘢無記錄點講都唔會係個客嘅責任啦，幾經轉折由佢哋唔肯承認錯誤唔肯退款.開咗個會之後又話可以特別比我退款,件事已經由carmen-Joey siu-(NEO DERM ocean chan-jess lo).當中Jess lo用疲勞式轟炸我。佢只係用錄音機方式講佢自己想講嘅野完全無理我嘅要求，(而過程中jess lo仲用一啲威脅性嘅口敏同我講，就算我投訴到去邊度到最後都係只會返反去佢手上。)(遇到這樣的服務,邊個都唔夠膽再上去做任何療程啦!)
NEO DERM退款條款非常過份,要用原價扣回餘下數目及要多收9%費用.朝早同我講9%係佢公司服務費下午就同我講係銀行收的行政費,大話一個又一個。又只會推卸責任。
結果頭尾攪咗4個月先攞得返啲尾數，上去簽退款果張野先好笑。佢寫住唔比我張件事講比其他人知，我真係采佢講都傻。我"差"左佢啲無理條款之後簽收左張票就走啦。
要唔要再去留返你哋自己決定啦。
其實呢間公司一向係禁，你俾得錢服務就好好!如果要refund好煩，如果係療程失誤拎到你要refund(burn,敏感…等等)佢會叫你睇公司e生(當然話同你攪掂佢，唔好refund)有啲客信唔過會叫啲客去中環置地睇e生(當然個e生會幫公司，同個客個無事等等，不要refund)加上依家經理攪refund要即上office見老細！又要寫report等！無得加分要扣分，無職升囉，同事無做都係壓力問題！只係話整親放大假，一向係禁！
P.s我係呢間公司做左三年已離職，真係頂唔順！你講嘅Joey siu每個月尾無數就發癲，好難頂！我就係間公司做到睇心理e生>.<
樓主，你要企硬，佢會叫你簽啲嘢話唔好唱佢地公司(唔知你有無)嗰時有個客嘈到行政費都唔洗扣,你係客，洗嘜怕！
佢地做左龍頭，大灑金錢請代言人同廣告，所以唔會再以客為本，因為不停會有新客入去，所以最重要係sell到客，有錢收！
佢地行內有句＂客死客還在＂自己諗下點解啦！
你講嘅情況都喺我同班8婆糾纏嘅時候，全部都出現哂。我差啲都要睇心理醫生呀，個jess lo真係賤到無人有。把死人聲又討厭全程都係度串個客，我投訴到銷委會佢而家都唔驚呀！
我個治療師應承左些野,又吾做,到她走啦,她叫我找同事跟,個高層都跟得好足
但是真是好過份,一換左人,所有野都做得吾好,個時JOIN是因為治療師好,所以JOIN,好啦,換左人,跟著又不停換人幫我做TREATMENT,換到我都無咩心機,次次是甘SELL,好煩
嘩！Reexxx D打手現曬形喎！
上面果四位撐Reexxx的人客：KKMAMA, ~mandy~*, candy_can同floria.ho個ip 一樣都係1.34.84.xxx
原來真係乜店都有打手
無錯，經理會問個客點解禁耐無開單，不如俾第二個有無機會，or有新同事，就要俾啲file佢地follow
又or有啲同事覺得啲容唔買嘢又麻煩，通常會俾第二個跟，佢地有統計的，因為都有個target要追，就係手頭上客人要keep住買嘢，唔係開會又俾人問點解你啲客唔買嘢，係咪你做得唔好，你唔可以答係因為客人覺得價錢問題，公司立場只會覺得你sale唔到係你問題！
資料來源：Beautyexchange
發表於 2013-1-17
