如題，見到信用卡有個good offer 真心想試試產品但不想買package , 有冇人去過？會唔會sell 客sell 得好勁？預左佢會sell, 但如果係好厲害嗰隻就廢事試了⋯⋯

我就係受害人，以平價錢吸引你入嚟，做時不停係你身邊sell各項療程，美容師sell完又有個高級sell你。你唔買又會話你唔係尊貴客戶，黃金時間唔會留俾你，只可以係返工時間做，咁我呢D返工時間梗無法係一年內做完療程。跟住俾藉口又話療程太平，美容師出唔到糧，電腦出唔到單等等，夾硬屈你每一個療程每一次加$100+，即要補成$4000.-，仲要date back兩個月前。正一cheap 貨，我唔會再幫襯，係呢一世都唔會。

預左去邊間都會SELL,,但都俾D誠意丫唔該
join plan冇耐又叫人join其他,唔落疊就成日約唔到時間
勞鬼氣.都係唔想我再去姐~咁咪唔去囉,都唔係諗住做長遠生意
雖然而家做緊呢間唔係大公司，但至起碼[均真]~

有一次幫我做緊按摩的美容師又係sell我做D乜緊緻療程，成幾萬蚊做10次，又話自己成日做。我問咁貴，你份人工都好好搵至俾到咁多錢去買package。佢話公司收佢員工價。我再問員工價會有幾多折，佢口快快話公司收佢$180/次，跟住佢發覺自己講錯嘢，叫我唔好同人講。咁咪即係斬我？

資料來源：Ladies Discuss

發表於 2016-3-31