本身都唔係點用Forum但上次去脫毛真係太嬲所以專登要分享返
呢間野揾埋曬港姐代言又點 唔好以為好好 一黎佢用既機又垃圾
二黎班整容美容顧問真係煩到一個點

我明白要sell野係正常 但當我講左N次無興趣都仲要捉住你講講講
仲有果時已經除左衫個顧問都不停入黎 做下停下就係因為個顧問sell
講真你除曬衫又比個白光咁照 又係咪都踩你皮膚 你咩感受
之前我覆佢N次唔買 佢就出去左好大聲同班同事講
又睇返我之前交易記錄 睇我之前係咪一次簽 用邊張卡 好大聲講
之後個美容師又套我做緊咩工 收入點 之前碌卡既野 真係好嬲
我想講所有都係個人私隱黎同埋你地又有咩權咁做啦

好啦hea幫我做完又叫我入間房仔又sell左勁耐
一開始都講左唔買個垃圾顧問仲照講話邊張信用卡分期點點點
話我都係為左你好先叫你買 真係假到一個點
明知我之後趕時間仲專登拖我 仲停都無停過sell 真係好嬲

send email去投訴無用 真係好狗 facebook 又del留言
全真人真事 果個顧問叫 Ivy Kwok K M 好自為之

資料來源：Beautyexchange

發表於 2018-4-23