喱排成日見到reeXex個膠原自生廣告，諗住膽粗粗上去free trial啦。去到等左半個鐘先有consultant見我，其實我唔趕時間，等下無所謂。之後個consultant帶左我入房，一sell就sell左我成粒鐘！同我講佢地嘅treatment係幾咁pro，係幾咁幫到我，又係咁讚我底子好唔好浪費左。其實講真，我上得黎試做係睇效果嘅，你講到有幾威都無用，做完出黎效果好唔好係最實際！比佢sell左我成粒鐘，終於可以入房試做！ 我話我想試做兩頰，因為兩頰嘅毛孔比較粗，想試下做完會唔會有少少效果睇到（我知毛孔真係好難搞，無諗過做幾次就可以變靚）但佢係咁叫我做眼底，乜試做都有限邊part㗎咩？我先得嗰24歲，眼底只係有少少黑眼圈姐，我又無眼袋，我眼底嘅皮膚會有幾大問題呀？所以我無理佢，我堅持話要試兩頰。

做嗰陣發現佢部機勁凍，係冰嗰種凍！凍到我覺得拿拿地。

佢其實都叻㗎喇，做左一邊面先，比我對比下before and after。做完一邊面，佢比左塊鏡我照，話明顯白淨左，細緻左，又話做完眼底會漲左，無咁凹陷（佢夾硬幫我做左眼底）我自問視力良好，揸住塊鏡睇左好耐，係D毛孔好似有細到少少，但佢部機咁凍！你揾冰敷塊面D毛孔都會收細㗎啦！至於眼底，sorry囉我真係唔覺有咩分別！但佢一路都唔肯拎番走塊鏡做埋另一邊面，好似等緊我認同佢做完係靚左咁。好，咁我咪求其hea下佢囉。

終於做曬兩邊面，亦都去到戲肉了。佢sell我join 3萬蚊12次嘅course,已經係7折左！但係做完又唔肯定係部機有效定係只係個頭太凍，眼底嗰part又唔多有效。咁我當然有猶豫啦，就問佢可唔可以過一兩日先，因為想睇下係咪第二朝瞓醒都仲keep到，如果係嘅話我做普通facial 就得啦，洗咩咁貴去佢到做！之後佢就係咁嚇我過左今日就無優惠，又話唔收walk-in客，一定要join試做嗰陣簽，之後又話我其實無心想做！
到第二朝瞓醒，如果只係打回原形無效果我都無咁嬲！我塊面紅曬！敏感！雖然平時我都係敏感性皮膚，但只係會少少紅，一定唔係好似今日咁，番到公司比同事問我塊面咩事，係咪敏感

化左妝都遮唔到 真係比錢我都唔會去做呀！

其實樓主皮膚都好靚！
呢間reexex 成日揾埋d無人識所謂既you tuber係fb 洗版好煩，一睇就知好黑店

佢地做咁多 marketing，係人都知咩事啦！

係呀有啲公司係咁，我去開我朋友開嘅公司度做，本身有濕疹問題，而家咁耐都冇事，原來大公司唔一定乾淨，我朋友以前係大公司做咗好多年，佢而家自己出嚟做咩都要經過消毒洗乾淨，咁樣先可以留得住啲客。所以我去到嗰度做非常之放心。

呢間黑店，第一次去服務一流，咁我join plan 啦，做幾次之後又話我有其他問題建議我做其他treatment, 我又中伏（因為治療師同我扮friend), 事件不斷重複，而我快臉亦唔見得好左好多，比治療師sale sale 下，乜course 都買左D⋯⋯最後，冇野好sale啦，個治療師話佢好忙太多客，將我轉左比個新人follow .又係一做完快面又紅又腫，我問治療師快面咁，點算？個治療師竟然對住我喊！⋯⋯
之後我冇做做埋D treatment, 好Q煩，有大把treatments 都係咁sale sale sale!
到而家每三個月都有新的治療師打電話來叫我去做埋D treatment ⋯⋯煩到呢！
總結：絕對黑店

資料來自：Beautyexchange

發表於 2017-12-22