張文采疑想做脫毛，但去到又做唔到，喺微博開post狂鬧。(電視截圖)

現年32歲嘅大台索主播張文采，前年飛甩羅鈞滿之後，花邊新聞都少咗好多。今日佢突然喺微博爆seed，開名鬧一間搵咗唔少藝人做激光脫毛代言人嘅美容公司，事件經過係咁嘅…….

「好嬲！個幾星期前個治療師話佢拗柴返唔到工，問我搵第二個人幫我做得唔得，我ok，今日約咗1330，我1325上到去，等到1345個reception先同我講佢哋溝通有問題，另一個治療師幫其他客做緊treatment，冇人得閒幫我做，叫我再約過個時間，我專登由將軍澳出銅鑼灣㗎，又唔係我做錯，做乜要我為你嘅錯負責？！」「打去投訴，條hotline我等咗15分鐘都冇人接。有冇人知可以邊度投訴？」呢個咁嘅情況，好似消費者委員會嘅常見個案，但估唔到連有多年報導新聞經驗嘅主播都中招，張文采最後hashtag「一唔加plan就黑面」、「次次sell到好似我欠左佢咁」、「唔該幫我share呢個post俾全香港知」真係嬲到紅都面晒！

張文采叫大家幫佢share俾全世界人知，眼嚟嬲得好緊要。

資料來源：蘋果日報

發表於 2017-7-28