![[後悔] Dermes初體驗＊](https://www.beautywikipedia.com/wp-content/uploads/2018/03/後悔-Dermes初體驗_1-980x583.png)
![[後悔] Dermes初體驗＊](https://www.beautywikipedia.com/wp-content/uploads/2018/03/後悔-Dermes初體驗_1.png)
好耐冇試過update個blog啦
今日發生左件都幾緊緊於懷的事 令到我好想好想把自己的經歷記下來
當是給自己一個抒發下，或者當給別人一點點參考也好
話說早前我係facebook見到dermes既promotion話可以免費體驗脫毛一次
我心思思左好耐好唔好去試 係網上面睇過人地comment都話預左好hard sell但係你唔好耳仔軟佢都會放你走 甘我都有晒心理準備就係網上面登記做試過
我前一日夜晚登記既 第二日下午已經有人打電話黎比我約時間去做喇 甘我約左翌日
果朝早上到去 Dermes既staff好好態度 同我做登記呀 又有d呀姐走埋d問我要唔要飲野呀甘樣 個環境係幾靚同舒服既
搞掂晒所有野之後就見治療師啦
佢一開始都係問番我平時既脫毛習慣/今次黎有咩expectation甘呀，跟住就介紹番佢地公司個脫毛同埋講番d注意事項啦
講完之後佢就帶我去治療室啦
其實佢係幾細心既 入到房之後會開我凍唔凍 我話小小 佢就幫我開左張暖墊
然後佢係手上面用4個唔同既度數做測試 越試個度數會越高 同時亦都會越痛
因為係第1次做佢話會用最低既度數去做 過沒問題後就正式開始
帶上眼罩後做每個step之前佢都會同我講清楚，例如佢會同我講話而家幫你查d保護GEL啦 會有小小凍架甘
其實真係比激光射既過程真係好短 只係得幾分鐘 (都唔知有冇:P) 所以個痛楚其實都接受到
治療師話可能會聞到d燒焦味都係正常 但係我就冇留意到..
不過就正如治療師所講 好似比象根彈到甘囉.. 岩岩做完有小小麻痺 不過好快都冇事
後來治療師留意到我小腿都比較多毛 就提意話不如都幫我試小部分範圍
但係估唔到原來小腿係比underarm更加敏感 (而家煩惱緊會唔會有人發現我小腿兩節色XD…)
做完之後兩個部位都feel到其實皮膚係平滑左 對於第一次效果其實我都幾滿意既
![[後悔] Dermes初體驗＊](https://www.beautywikipedia.com/wp-content/uploads/2018/03/後悔-Dermes初體驗_2.png)
是日最差的體驗就係呢度開始
做完之後治療師依然好細心甘問我要唔要去toilet呀果d
然後番到房就開始sell啦….
首先開始同我講d peak/ non-peak既plan啦
之後佢知我仲係學生就再講埋d學生plan話 其實學生d plan真係抵好多架….. (下刪一千字)
然後我都有同佢講番對於今日個經驗我都好滿意 但係我仲係學生 而家afford唔起用3萬蚊去脫毛 但係我諗住可能grad之前都會享盡學生優惠黎做番架 (真心甘諗 但而家未grad真係唔想比甘多錢)
佢就話喇: 或者你揀一個部位做左先囉 underarm都係7000姐嘛
我話都係遲d先做 佢就話我都明既… 但係呢個plan真係好抵架 最抵架啦 或者甘囉 你比住d deposit hold左個plan先啦 因為呢d plan隨時轉; peak/non peak果d反而岩岩調整完就唔會有乜變動
我話我明.. 但係我而家真係afford唔到.. 佢就話你而家比左deposit先姐 遲d先黎做姐嘛…
講真平時我都係靠幫人補習賺每個星期既生活費 隨左交通/食飯之外 頂多可以買小小skincare/幾件衫 半年後我都唔會儲到甘多錢 而且我諗住儲錢sem break去旅行 旅行同脫毛 我當然覺得旅行緊要d 因為係學生先可以甘free想做咩就做咩 我真係唔想比甘大夠數cool住! 同個治療師講完又講 佢都扮晒話明白我 話想我好架炸 我已經企係你立場諗 所以先叫你比住deposit hold住個plan先 到時如果你真係唔ok既 最多我試下幫你extend啦
其實由始至終我都冇心動過 因為我好清楚自己既財政預算
我上去唔係玩野 我真心有興趣laser脫毛 不過可能係第日賺到錢有能力先 而家見佢有promo所以先想先體驗一下
但無論我講左幾多籍口都好啦 個治療師都係唔肯比我走
我唯有係度諗呢個世界係唔會有free lunch既 所以死死地氣甘比左$500 deposit佢先肯放我走
但我比完錢之後佢就同我講.. 你盡量5-6個月內番黎啦.. 如果真係唔得既我試下幫你extend.. 但唔肯定得唔得-_-“
由比錢果刻 其實我已經我知道自己短期內唔會用甘大筆資金去脫毛
只因為我更加知道我唔比錢個治療師唔會放過我….
呢筆deposit大概我唔會去兌現.. 我已經有心理準備呢$500將會成為左呢次”免費”體驗既代價啦
但係我越諗越唔甘心 因為我番到屋企繼續睇番人地既report
真係有人可以唔洗CASH/EPS/Credit card就可以免費體驗行番出門口
就只能當自己唔好彩…
雖然我好滿意佢地既服務態度 但係甘樣半迫我比錢既感受真係唔係太好受
好彩而家市面其實有好多公司有laser脫毛 包括最近興起既755mm GentleLase無痛永久激光脫毛其實我都好有興趣 因為好像說他們的防痛技術還要好 但大概我會等我真的打算去脫毛既時候先再會去考慮這一種”免費”體驗 然後再決定是否參加這類型的plan!
資料來源：Beautyexchange
發表於 2013-8-21
